Phalbi nitum kuan bel vot diak hi. Buh lak lai ahih ziak in akua-akua leng nasep tha it chiat in, nitum kuan in vai pai kisaan pan hi. Nitum khiak ding ngai ngam lou uh hileh kilawm in, khen khat-te bel a buh aat uh khawl san mai lou ua, gal et mai in a vang kim ah buh at te kimu til tel thei hi. Gal gamla deuh ah, buh lak tha chial uh ahi ngei ding ua, buh pawl a khet ging duup dup uh a vang kim in kiza hi.
Tuitha lui phai bel lei hoih mah mah ahi. Van apan a nipi vuah kia lou in, Lanva lui in tua phai zang a tuilou om te tui in kham teek in vak zou hi. Malsuah lam pang en leng Hausapi vum dum dii-diai in kimu thei a, a ma zawn deuh ah mi khen khat ten "Ben-ah" vum a chih uh om hi. Tua mual vum bel Hausapi vum bang lou tak in Hing dip dep hi. Hausapi vum bel a gamlat ziak in dum kii-kiai a, a pam deuh ah hol haal-te hol haal na uh meikhu ngou vii-viai khut pi chiah vel ding khawng in mual pang apat kitung tou hi.
Mission compund tang dung apan in nitum nung a nisa zung kimu thei lai hi. Tung sunni in leng Lamka phai zaang etlawm tak mai khelah hileh kilawm in, bang hiam bek nut siat tei tei sawm mah bang in a zung kap khe seng sung hi. Mission compund khawte biakinn nizung limliah in kimu thei hi. Tua biakinn bel nidang a sapkangte khut suak tutan muh theihlai om sun "Silbawlpi" (masterpiece) ahi.
Suah lam pang ah Rengkai leh a gaal kim a khua te bel nisa in neukhah khoh kha zek lai hi. Sugnu manoh na lam a mual te bel koi hiam a Negro-te sam kil thilh thelh mah bang in singkung tam lou a vangkim in pou thilh thelh hi. Pam deuh ah, Peniel hall thum na mual a langva inn tung khenkhat apan in vak hong kilengkik [reflection] kimu thei hi. Tua mual vum ah Cross kiphut bel a gal apan in ngou phek phok hi. Athu omdan gen in ah, tua mual vum bel tam tak te dam na mual ahi. Tam tak ten kipahna thak a muh na uh; tam tak ten khitui tam pi a senna uh; Khen khat te a dia kum zatam tak nung a leng dawn na muh louh ding thum na leh lungtang kitam kham te khitui nul na mun ahi. Tuithapi khua leh a kim a kiang a mual om te lak ah bel tua thum na mual hampha pen ding hi.
Simlam pang deuh ah, nidang a Japan gal lai a Japan ten Thaupi a tun na uh ahi chi a naupang ten a gen mang moh uh tang sang sim tak khat om hi. Tua tang bel, tang hamsiat ahi chih theih ding khop in ngil in ngil vek vuk hi. Ngil mah leh a kim leh a kiang a mual neu khah khah om te toh teh in vou tuam biik a, Phailam manoh na lampi lam a phai zang kiphah suk dung zui in muh tawp na tan pha ah len mui kai thii-thiai hi. Thang ching tang chih di hileh kilawm awm tak mai, a tak lam pang ah, tang dung kikham suk zeng zung hi. Tua tang dung-te bel gam mang sah tak in a tuam mah bang ing hing suk dep dup mai uh hi.
"Tuni na gim hia, bawi?" chi a ka U'n hon gen in hon phawng guih hi.
"Gim khol keng!".
Buh puak na Tractor khawl ging vu vu ka malam uh gal gamla deuh ah ki-za chiai chiai hi. Tua buh paw gari leng inlam manoh ahi ngei ding a, a sawt dung zui in a ging dai hiai hiai hi. Malam zek ah, bawng gari pai ging luap luap bel hat lawlou ahih ziakin, a thawm ging uh diim tuanlou in a ngei in ngeingei hi.
Phalbi lam bel ni sawt lou ahih ziak in dak 4 bang a gin leh khua mial suk dek pah mai hi.
Zingkal a ka U'n "Bawi! na exam lah zouta ha hih chiah, tuni buh aat a kuan na di kon dawp a, kiloh in va kuan leng na ut hia?" chi a hon dot ka bil kha ah tham den lai hi.
Tuitha lui phai bel lei hoih mah mah ahi. Van apan a nipi vuah kia lou in, Lanva lui in tua phai zang a tuilou om te tui in kham teek in vak zou hi. Malsuah lam pang en leng Hausapi vum dum dii-diai in kimu thei a, a ma zawn deuh ah mi khen khat ten "Ben-ah" vum a chih uh om hi. Tua mual vum bel Hausapi vum bang lou tak in Hing dip dep hi. Hausapi vum bel a gamlat ziak in dum kii-kiai a, a pam deuh ah hol haal-te hol haal na uh meikhu ngou vii-viai khut pi chiah vel ding khawng in mual pang apat kitung tou hi.
Mission compund tang dung apan in nitum nung a nisa zung kimu thei lai hi. Tung sunni in leng Lamka phai zaang etlawm tak mai khelah hileh kilawm in, bang hiam bek nut siat tei tei sawm mah bang in a zung kap khe seng sung hi. Mission compund khawte biakinn nizung limliah in kimu thei hi. Tua biakinn bel nidang a sapkangte khut suak tutan muh theihlai om sun "Silbawlpi" (masterpiece) ahi.
Suah lam pang ah Rengkai leh a gaal kim a khua te bel nisa in neukhah khoh kha zek lai hi. Sugnu manoh na lam a mual te bel koi hiam a Negro-te sam kil thilh thelh mah bang in singkung tam lou a vangkim in pou thilh thelh hi. Pam deuh ah, Peniel hall thum na mual a langva inn tung khenkhat apan in vak hong kilengkik [reflection] kimu thei hi. Tua mual vum ah Cross kiphut bel a gal apan in ngou phek phok hi. Athu omdan gen in ah, tua mual vum bel tam tak te dam na mual ahi. Tam tak ten kipahna thak a muh na uh; tam tak ten khitui tam pi a senna uh; Khen khat te a dia kum zatam tak nung a leng dawn na muh louh ding thum na leh lungtang kitam kham te khitui nul na mun ahi. Tuithapi khua leh a kim a kiang a mual om te lak ah bel tua thum na mual hampha pen ding hi.
Simlam pang deuh ah, nidang a Japan gal lai a Japan ten Thaupi a tun na uh ahi chi a naupang ten a gen mang moh uh tang sang sim tak khat om hi. Tua tang bel, tang hamsiat ahi chih theih ding khop in ngil in ngil vek vuk hi. Ngil mah leh a kim leh a kiang a mual neu khah khah om te toh teh in vou tuam biik a, Phailam manoh na lampi lam a phai zang kiphah suk dung zui in muh tawp na tan pha ah len mui kai thii-thiai hi. Thang ching tang chih di hileh kilawm awm tak mai, a tak lam pang ah, tang dung kikham suk zeng zung hi. Tua tang dung-te bel gam mang sah tak in a tuam mah bang ing hing suk dep dup mai uh hi.
"Tuni na gim hia, bawi?" chi a ka U'n hon gen in hon phawng guih hi.
"Gim khol keng!".
Buh puak na Tractor khawl ging vu vu ka malam uh gal gamla deuh ah ki-za chiai chiai hi. Tua buh paw gari leng inlam manoh ahi ngei ding a, a sawt dung zui in a ging dai hiai hiai hi. Malam zek ah, bawng gari pai ging luap luap bel hat lawlou ahih ziakin, a thawm ging uh diim tuanlou in a ngei in ngeingei hi.
Phalbi lam bel ni sawt lou ahih ziak in dak 4 bang a gin leh khua mial suk dek pah mai hi.
Zingkal a ka U'n "Bawi! na exam lah zouta ha hih chiah, tuni buh aat a kuan na di kon dawp a, kiloh in va kuan leng na ut hia?" chi a hon dot ka bil kha ah tham den lai hi.
Comments